«Liverpul» himoyachisi Virjil van Deyk 2018/19 yilgi mavsum Chempionlar Ligasida eng yuqori tezlik ko‘rsatgan futbolchiga aylandi. Bu haqda UYeFA rasmiy sayti xabar qildi.
«Barselona» bilan o‘tgan yarimfinalning dastlabki bahsida (0:3) gollandiyalik futbolchining tezligi 34,5 km/soatni tashkil etdi.
Ikkinchi va uchinchi natijalar «Manchester Siti» futbolchilariga tegishli bo‘ldi. Leroy Sane «Xoffenxaym»ga qarshi o‘yinda 34,4 km/soat, Kayl Uoker «Tottenhem» bilan bahsda 34,2 km/soat tezlikni ko‘rsatishgan.
🇳🇱Virgil Van Dijk was clocked as the fastest player in the Champions League last season, with a top speed of 34.5 km/h. It happened during his sprint back from a corner against Barça in the 91st minute. Incredible. pic.twitter.com/5nDruNyiR1
— Football Central (@CentralFootie) June 15, 2019
Eslatib o‘tamiz, van Deyk UYeFA talqini bo‘yicha 2018/19 yilgi mavsum Chempionlar Ligasining eng yaxshi himoyachisi va eng yaxshi o‘yinchisi deb topildi.
