O‘zbekiston | 12:59 / 19.09.2019
10043
2 daqiqa o‘qiladi

Tadbirkorlik sub'yektlaridan hujjatlarga muhr bosish talabi bekor qilingan

Foto: Pinterest

2017 — 2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturi ijrosini ta'minlash maqsadida O‘zbekiston Respublikasi Prezidentining 2019 yil 5 fevralda “Jahon banki va Xalqaro moliya korporatsiyasining “Biznes yuritish” yillik hisobotida O‘zbekiston Respublikasining reytingini yaxshilashga doir qo‘shimcha chora-tadbirlar to‘g‘risida”gi PQ-4160-son qarori qabul qilindi.

Davlat xizmatlari agentligi Toshkent shahar boshqarmasi yuriskonsulti A.Boboqulovning yozishicha, qarorga muvofiq joriy yilning 1 martidan boshlab, davlat organlari va boshqa tashkilotlar tomonidan tadbirkorlik sub'yektlaridan hujjatlarga muhr bosilishi yoki hujjatlarning muhr bilan tasdiqlanishini talab qilish tartiblari bekor qilingan.

Biroq, hozirgi kunda ayrim vakolatli davlat organlari tomonidan tadbirkorlik sub'yektlarining hujjatlarini muhr bilan taqdim qilish majburiyatini qo‘yish holatlari hanuzgacha davom etib, biznesda erkin harakat qilishga to‘sqinlik qilish hamon uchramoqda.

O‘z navbatida, Davlat xizmatlari agentligi Toshkent shahar boshqarmasi tadbirkorlik sub'yektlariga xizmat ko‘rsatuvchi va bevosita ular bilan aloqada bo‘luvchi boshqa davlat organlari va muassasalariga yuqoridagi qaror talablarga amal qilishlari yuzasidan eslatma bilan chiqdi.

Mavzuga oid