Saudiya Arabistoni raketalar uchirilgan joyni bilgach neft obektlariga hujumga javob qaytaradi 

Saudiya Arabistoni tashqi ishlar vaziri Odil al-Jubayr Saudiya Arabistonidagi neft obektlariga raketalar qayerdan uchirilgani haqida hozircha aniq ma'lumotlar yo‘qligini aytdi. Biroq podshohlikda hujumni Eron amalga oshirgani ta'kidlanmoqda.    
 
“Qo‘llangan qurollar Eronniki bo‘lgani sababli, Eron ushbu hujum uchun javobgardir”, deb aytgan al-Jubayr.

Uning ta'kidlashicha, hujum janubdan emas, balki shimoldan amalga oshirilgan.

Saudiya Arabistoni vazirining ta'kidlashicha, hozirda raketalar aniq qayerdan uchirilgani aniqlashtirilmoqda. Shundan keyin Ar-Riyod hujum uchun javobgar davlatni ma'lum qiladi. Al-Jubayrning aytishicha, barcha javob choralari tergov tugagach amalga oshiriladi.