Tarixan aholining muntazam köpayişi va quriliş uçun yerning yetişmasligi şaharlarda uylarning ensiz va baland qurilişiga olib kelgan. Biroq, BoredPanda naşrining yozişiça, dunyodagi eng ensiz uy boşqa sababga köra qurilgan.
Livan poytaxti Bayrutdagi Al Ba'sa nomi bilan ma'lum bölgan uşbu uy dengiz sohilidagi bir parça yerda qad rostlagan. U eng enli joyida 4 metrgaça, eng ensiz joyida esa bor-yöği 60 smga yetadi. Bunday ğayrioddiy uyni uka akasiga alamzadalikda qurgan.
Aka-uka örtasidagi adovat tarixi 1950-yillarda boşlangan. Ularning otasi vafot etganda öğillari va qizlariga dengiz sohilida kiçik yerni meros qilib qoldirgan. Farzandlar unda nima quriş borasida kelişa olişmagan. Vaziyat yerning bir qismini hukumat şahar ehtiyoji uçun tortib olgandan keyin yanada çuqurlaşgan.
Natijada katta öğilning uyi va beöxşov şakldagi bir parça yer qolgan. Bu yerda normal bino qurişning iloji bölmagan. Biroq uka akasiga alamzadalikda bu yerda juda ensiz uy qurgan. Uy şundoqqina akaning uyi oldida qad rostlab, dengizga oçiladigan manzarani tösib qöygan. Buning oqibatida akaning uyi narxi arzonlaşib ketgan.
Keyinçalik Al Ba'sa’da boşqa odamlar yaşagan, söngra u buzuqxonaga aylangan, uruş vaqtida esa unda qoçqinlar yaşiringan.
Oilaviy adovat ramziga aylangan bu uy hozirda ham qad rostlab turibdi. Şahar rahbariyatining ta'kidlaşiça, uni buzib taşlaşdan ma'no yöq, çunki böşagan yerda tayinli narsa qurib bölmaydi.
