11:49 / 21.10.2019
1
46841
Ўзбекистонликлар «иномарка»ларга харажатларни кўпайтиришда давом этмоқда
Фото: Алексей Даничев / РИА Новости

 Давлат статистика қўмитаси маълумотларига кўра, январь-сентябрь ойларида Ўзбекистон 257,6 миллион долларлик енгил автомобиллар импорт қилган.

Қайд этилишича, бу кўрсаткич ўтган йилнинг шу даврига нисбатан 56,3 фоизга кўпдир.

Умуман олган, ўтган йилга нисбатан ўсиш аста-секин тикланмоқда. Масалан, йил бошида чет эл автомобилларини импорт қилиш ҳажми ўтган йилга нисбатан қарийб 4 баравар кўп бўлган бўлса, баҳор бошида - 2,2 баравар, ёз бошида у 67 фоизгача тушди, августда 72 фоизга қадар кўтарилди, сентябрда эса 74 фоизни ташкил этди.

Чет эл автомобиллари импортининг умумий ўсиши айнан январь ойида қимматбаҳо хорижий машиналарни олиб кириш енгиллаштирилгани билан боғлиқ - агар автомобиль 40 минг доллар ёки ундан қимматроқ турса ва ишлаб чиқарилган санасидан икки йил ўтмаган бўлса, унда унга ноль ставкали бож қўлланилади.

Бироқ, 2020 йил 1 январдан импорт қилинадиган қиммат енгил автомобилларга қўлланилган божхона қийматининг 20 фоизи миқдоридаги имтиёзли ставка бекор бўлади.

Аввалроқ, январь-август ойларида Ўзбекистон 233,8 миллион долларлик енгил автомобиллар импорт қилгани хабар берилганди.

Ушбу хабарга фикрингизни билдиринг. Бунинг учун авторизациядан ўтишингиз керак!
Top