Telegram'dagi AviaSpotter kanalining ma'lumot berishicha, Dubay hukumatiga xizmat ko‘rsatuvchi «Dubai Royal Air Wing» samolyoti 31 oktabr, kunning birinchi yarmida Toshkentga qo‘ngan.
Shayx Hamdanning Instagram'ga yuklagan suratlariga ko‘ra, u «Tashkent City» hududidagi «Hilton» mehmonxonasiga joylashib, payshanba kuni Toshkent shahar hokimi Jahongir Ortiqxo‘jayev bilan uchrashgan. Shahzoda, shuningdek, O‘zbekiston prezidenti Shavkat Mirziyoyev oilasi vakillarining ham mehmoni bo‘lgan.
Dubay taxti vorisi oktabr oyi o‘rtalarida ham O‘zbekistonda bo‘lib, Navoiy shahridan qariyb 50 kilometr uzoqlikdagi cho‘l hududida lochinlar bilan ov qilgan edi.
Foto:
Dubay amirining o‘g‘li O‘zbekistondagi lochin ovi fotosuratlarini e'lon qildi
Bu hududda 300 gektar maydonni egallagan «Amirliklarning yo‘rg‘a tuvaloqni asrash markazi» (AYTAM) joylashgan.
Ushbu markaz BAA vitse-prezidenti – Dubay amirligining hokimi Shayx Muhammad bin Roshid Ol Maktum tashabbusi bilan 2008 yilda tashkil etilgan.
Foto:
Amirliklarning yo‘rg‘a tuvaloqni asrash markazi. Qizilqum cho‘lidagi mo‘jizaviy maskanga sayohat
