Abdulaziz Komilov Belgiyaga boradi

O‘zbekiston tashqi ishlar vaziri Bryussel shahriga tashrif buyuradi. Bu haqda TIV xabarida aytilgan.

2019 yilning 10-13 noyabr kunlari tashqi ishlar vaziri Abdulaziz Komilov boshchiligidagi delegatsiya «O‘zbekiston-Yevroittifoq» Hamkorlik kengashining 15-yig‘ilishida ishtirok etish uchun Bryussel shahriga (Belgiya) tashrif buyuradi.

Tashrif dasturida Yevropa komissiyasi, YeI parlamenti va boshqa organlari rahbarlari bilan ikki tomonlama uchrashuv va muzokaralar o‘tkazish ham ko‘zda tutilgan.