14:59 / 14.11.2019
0
4650
Финляндия ҳукумати аҳолини қоғоз мактубларни қабул қилмасликка чақирди
Фото: Getty Images

Финляндия солиқ хизмати ва аҳолини рўйхатга олиш маркази почтальонларнинг иш ташлашлари ортидан мамлакат аҳолисини давлат идораларидан келадиган қоғоз мактубларни қабул қилмасликка чақирди.

"Финляндия солиқ хизмати ва аҳолини рўйхатга олиш маркази финларни миллий экология актини қабул қилишга ва ҳукумат томонидан жўнатиладиган қоғоз мактубларни рад этишга чақиради", - дейилади мурожаатда.

Финляндия аҳолисига барча мактубларни қоғоз ўрнига давлат электрон порталидан олиш имконияти мавжудлиги эслатилмоқда.

"Электрон портал орқали хабар олиш табиатимизга ёрдам беради. Қоғоздан фойдаланишни камайтириш ўрмонлар кесилишини қисқартиради ва транспортдан фойдаланилишига барҳам беради", - деди Финляндия табиатни асраш ассоциациясининг коммуникациялар бўйича менежери Матти Ниеминен.

Финляндияда солиқларни тўлаш учун жавобгарлик иш берувчининг эмас, балки шахсан фуқаронинг зиммасига юклатилган. Солиқ хизмати ҳар йили 15 миллионга яқин қоғоз мактуб жўнатади, бу 1,3 миллион килограмм қоғоз дегани. 

Ҳисоб-китобларга кўра, қоғоз мактублардан воз кечиш иқтисодиётга йилига камида 10 миллион евро фойда келтиради.

Ушбу хабарга фикрингизни билдиринг. Бунинг учун авторизациядан ўтишингиз керак!
Top