Boliviya Venesuela bilan diplomatik aloqalarni uzdi

Boliviyaning o‘tish hukumati tashqi ishlar vaziri Karen Longarik Venesuela bilan diplomatik aloqalar uzilganini e'lon qildi. Bu haqda RT nashri xabar berdi. 

Longarikning ta'kidlashicha, venesuelalik diplomatlarga mamlakatni tark etish uchun so‘nggi muddat beriladi. Vazirning ma'lum qilishicha, aloqalarni uzish qarori Venesuelaning Boliviya ichki ishlariga aralashuvi sababli qabul qilingan.

Avvalroq Boliviya prezidenti Evo Morales iste'fosidan keyin shakllantirilgan o‘tish hukumati Venesuelaning prezidenti sifatida muxolifatchi Xuan Guaydoni tan olgandi.