15:13 / 29.11.2019
2
9685
Нурсултон Назарбоевга Марказий Осиё давлатлари раҳбарларининг Маслаҳат учрашуви фахрий раиси мақоми берилди
Фото: Президент матбуот хизмати

Қозоғистоннинг биринчи президенти Нурсултон Назарбоевга Марказий Осиё давлатлари раҳбарлари Маслаҳат учрашуви фахрий раиси мақоми берилди. Бу ҳақда унинг матбуот котиби Айдос Укибай маълум қилди.

«Иккинчи маслаҳат учрашувида делегациялар раҳбарлари Нурсултон Назарбоевга Марказий Осиё давлатлари раҳбарлари Маслаҳат учрашувининг фахрий раиси мақомини бериш тўғрисида қарор қабул қилдилар», - деб ёзди матбуот котиби Twitter’да.

Эслатиб ўтамиз, бугун, 29 ноябрь куни, Тошкентда Марказий Осиё давлатлари раҳбарларининг иккинчи маслаҳат учрашуви бўлиб ўтмоқда.

Саммит ишида Ўзбекистон Республикаси президенти Шавкат Мирзиёев, Қозоғистон Республикасининг биринчи президенти – Элбоши Нурсултон Назарбоев, Қирғизистон Республикаси президенти Сооронбой Жээнбеков, Тожикистон Республикаси президенти Эмомали Раҳмон ва Туркманистон президенти Гурбангули Бердимуҳамедов иштирок этмоқда.

Ушбу хабарга фикрингизни билдиринг. Бунинг учун авторизациядан ўтишингиз керак!
Top