АҚШ қуролли кучлари бригада генерали Шон Барнабининг таъкидлашича, ҳарбийлар Европа бўйлаб турли машғулотларда, жумладан “Европа ҳимоячиси 2020”, “Тезкор жавоб”, “ Шамшир зарбаси”, “Иттифоқдошлик руҳи”, “Жадал фронт” кабиларда иштирок этиш учун тақсимланади.
“Бу америкалик ҳарбийларнинг Европада охирги 25 йил ичидаги энг катта жойлаштирилишидир”, деб айтган генерал.
Машғулотлар тугагач, америкалик ҳарбийлар АҚШдаги жойларига қайтади.
Америкалик ҳарбийлар техника билан бирга Европага АҚШнинг 4 та штатидаги портлардан жўнатилиб, Европанинг 6 та давлатига келтирилади. Сўнгра улар турли транспорт билан машғулотлар жойларига етказилади.
“Европа ҳимоячиси 2020” машғулотларида турли давлатлардан ҳаммаси бўлиб 37 минг ҳарбий иштирок этиши режалаштирилган. Америкалик ҳарбийларнинг ўзи машғулотларда 13 мингта техника бирлигини қўллаши кутилмоқда.
