Foto: U.S. Customs and Border Protection
AQSh chegara xizmati xodimlari Qo‘shma Shtatlar hududiga noqonuniy yo‘llar bilan kirishga uringan 11 nafar xitoylikni qo‘lga oldi. Bu haqda CNN xabar bermoqda.
Qayd etilishicha, chegarachilar Meksikadan Kaliforniya shtatidagi San-Diyego shahriga kirib kelayotgan yuk mashinasini to‘xtatgan. Uning ichida 11 nafar xitoylik migrant bo‘lib, ular turli uy jihozlari, jumladan, kir yuvish mashinasi, sandiq, javon ichiga yashiringan bo‘lgan.
AQSh bojxona-chegara xizmati ma'lumotiga ko‘ra, migrantlarning hech biriga shikast yetmagan. Ularning barchasi qo‘lga olingan.
Yuk mashinasi haydovchisi 42 yoshli AQSh fuqarosi bo‘lib, u hibsga olingan.
