Liviya Turkiyadan harbiy yordam so‘radi 

BMT tomonidan tan olingan Liviya milliy kelishuv hukumati Turkiyadan poytaxt Tripoli mudofaasi uchun harbiy yordam ko‘rsatishni rasman so‘radi. Bu haqda Daily Sabah nashri xabar berdi.   

Liviya rahbariyati vakilining ta'kidlashicha, Anqaraga yo‘llangan iltimosda havo, quruqlik va dengizda yordam zarurligi ko‘rsatilgan. 

Avvalroq Tripolida poytaxtga yurish qilayotgan Liviya milliy armiyasi bilan ixtilof yanada avj olsa, Anqaraga bunday iltimos yo‘llanishi ma'lum qilingan.

O‘z navbatida, Anqarada yanvar boshida Tripoliga harbiy yordam ko‘rsatishga shay bo‘lishlari ta'kidlab o‘tilgan.