AQSh Geologik xizmati (USGS) ma'lumotlariga ko‘ra, Erondagi «Busher» atom elektr stansiyasi yaqinida 4,9 va 4,5 magnitudali ikkita yer silkinishi yuz berdi.
USGS xabariga ko‘ra, 4,9 magnitudali yer silkinishi zilzila UTC vaqti bilan 2:20 (Toshkent vaqti bilan 7:20)da sodir bo‘lgan. Zilzila markazi Borazjon shahridan o‘n kilometr janubi-sharqda bo‘lgan, yer silkinishi o‘chog‘i o‘n kilometrlik yer tubida joylashgan.
4,5 magnitudali ikkinchi zilzila UTC vaqti bilan soat 3:19 (Toshkent vaqti bilan 8:19)da sodir bo‘ldi. Yer silkinishi markazi Borazjon shahridan 17 kilometr janubi-sharqda joylashgan, zilzila o‘chog‘i o‘n kilometrlik chuqurlikda bo‘lgan.
«Busher» atom elektr stansiyasi zilzilalar qayd etilgan joydan 48 kilometr masofada joylashgan. Jabrlanganlar va vayronagarchiliklar haqida ma'lumot yo‘q.
