11:31 / 17.01.2020
0
20898
АҚШ Эрон зарбаси вақтида 11 ҳарбийси жабрланганини тан олди
Фото: REUTERS/John Davison

АҚШнинг марказий қўмондонлиги (CENTCOM) Эрон томонидан Ироқдаги базалар ўққа тутилганда 11 америкалик ҳарбий жабрланганини тасдиқлади.

Аввалроқ Defense One нашри АҚШдаги ҳарбий манбаларга таяниб, 8 январда эронлик ҳарбийлар томонидан ўққа тутиш вақтида 11 америкалик жабрлангани, уларда мия чайқалиши жароҳати бўлиши мумкинлигини маълум қилган. Таъкидланишича, ҳарбийлар Кувайт ва Германиянинг Ландштулидаги госпиталларга даволаниш учун эвакуация қилинган.

“Бу ҳарбийлар хизматга яроқли деб топилгандан кейин Ироққа қайтишлари кутилмоқда”, деб айтган CENTCOM вакили капитан Билл Эрбан.

Эрон генерал Қосим Сулаймонийнинг ўлдирилишига жавобан 8 январда АҚШнинг Ироқдаги иккита базасини ракетадан ўққа тутганди. Ҳужумдан кейин АҚШ президенти Дональд Трамп ва Пентагон америкалик ҳарбийлардан ҳеч ким жабрланмаганини маълум қилганди.

Мавзу
Қосим Сулаймонийнинг ўлдирилиши
Эрон ташқи сиёсати бунёдкори, Яқин Шарқ бўйича бош стратеги, Эрон Ислом инқилоби муҳофазаси корпуси таркибидаги «Кудс» махсус бўлинмаси қўмондони Қосим Сулаймоний Бағдоддаги аэропортда АҚШ президенти Дональд Трамп фармойишига биноан ўлдирилди.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top