12:15 / 26.01.2020
0
7693

So‘rov: Bola qanday sabablarga ko‘ra zo‘ravonlikka uchrashi mumkin?

Ta'lim muassasalarida va oilada voyaga yetmagan bolalarning zo‘ravonlik va tazyiqqa uchrashi, kaltaklanishiga nimalar sabab bo‘lishini o‘rganish maqsadida ilmiy tadqiqot o‘tkazildi. «Oila» ilmiy-amaliy tadiqot markazi va Respublika bolalarni ijtimoiy moslashtirish markazi hamkorligida o‘tkazilgan tadqiqotda o‘qituvchilar so‘rovnomaga jalb qilindi.

Ta'lim muassasasida bolaning zo‘ravonlikka uchrashiga asosiy sabab sifatida o‘qituvchilarning 31,7 foizi o‘quvchining ta'lim dargohi qonun-qoidalariga rioya qilmasligini ko‘rsatgan. Respondentlarnig 30,1 foizi dars mashg‘ulotlariga tayyorlanmaslik, 18,8 foizi o‘qituvchini hurmat qilmaslik, qo‘pollik qilishni bunday holatga asosiy omil deb bilishini bildirgan.

«Bolaning oilada zo‘ravonlikka uchrashiga asosiy sabab nima?» degan savolga ta'lim muassasasi xodimlarining 43,8 foizi ota-onaning tarbiya borasidagi salohiyati pastligi, 22,7 foizi oiladagi nosog‘lom psixologik muhit, 20,1 foizi bolaning ota-ona g‘azabini qo‘zg‘atuvchi xatti-harakatlarni qilishi deya javob bergan.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top