08:45 / 28.01.2020
1
38274
Хитойда коронавирус қурбонлари сони 106 нафарга етди
Фото: Getty Images

Хитойда бир кун ичида янги турдаги коронавирус билан чақирилувчи зотилжамдан вафот этганлар сони 24 нафарга ошиб, 106 нафаргача, касалланганлар эса 1,3 минг нафарга кўпайиб, 4515 нафаргача етди.

Вирус ўчоғи ҳисобланаётган Уханда 22 киши, Тяньмэн шаҳрида эса 2 киши вафот этган. 

Ўз навбатида ҳонгконглик мутахассислар Уханда вирусдан касалланганлар сонини 44 минг кишига баҳолашмоқда. 

Бу орада Хитойнинг соғлиқни сақлаш ишлари бўйича давлат қўмитаси кўп ҳолатларда вирусдан касалланганлар, айниқса ёшлар ва болалар касалликни енгил ўтказаётганлари, бироқ вирус ҳаттоки эмизикли болаларга ҳам юқиши мумкинлигини маълум қилишган. 

Хабарда маълум қилинишича, касалликнинг инкубацион даври одатда 3-7 кунни, энг кўпи билан 14 кунни ташкил қилади. 

Қўмитанинг баҳолашича, ҳозирги турдаги зотилжам Хитойда 2003 йилда авж олган атипик зотилжам (SARS) билан 85 фоиз ўхшашликка эга.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top