Uch viloyatda davlat teatrlari tashkil etiladi

Hukumat qarori loyihasiga ko‘ra, Madaniyat vazirligi, Navoiy, Namangan va Toshkent viloyatlari hokimliklarining 2021 yildan:

Navoiy viloyati musiqali drama teatri;

Namangan viloyati qo‘g‘irchoq teatri;

Toshkent viloyati musiqali drama teatri davlat muassasalari shaklida tashkil etish;

2021-2022 yillarda davlat teatrlariga yangidan binolarni qurish va jihozlash ishlarini amalga oshirish to‘g‘risidagi taklifi ma'qullanishi mumkin.

Madaniyat vazirligi:

davlat teatrlarning ustavi ishlab chiqilishini va belgilangan tartibda davlat ro‘yxatidan o‘tkazilishini;

davlat teatrlarni doimiy ravishda malakali kadrlar bilan ta'minlab borish hamda samarali faoliyat yuritishini tashkil etishni;

respublika davlat teatrlarining malakali mutaxassislarini jalb qilgan holda teatrlarning ijodkorlariga rejissura va aktyorlik mahorati hamda sahna harakati va sahna nutqi bo‘yicha maxsus mahorat darslari o‘tkazilishini ta'minlaydi.

Iqtisodiyot va sanoat vazirligi bilan birgalikda 2021-2022 o‘quv yilidan boshlab O‘zbekiston davlat san'at va madaniyat institutidagi aktyorlik san'ati ta'lim yo‘nalishi bo‘yicha Navoiy, Namangan va Toshkent viloyatlari uchun maqsadli qabul kvotalarini belgilaydi.

Moliya vazirligi Bandlik va mehnat munosabatlari vazirligi bilan birgalikda 2021 yildan boshlab davlat teatrlari uchun belgilangan me'yorlarga asosan zarur shtat birliklari ajratilishini ta'minlaydi.

Quyidagilar davlat teatrlari binolarini yangidan qurish va jihozlashni moliyalashtirish manbalari etib belgilanadi:

O‘zbekistonning har yilgi Investitsiya dasturi doirasida markazlashgan mablag‘lar;

imtiyozli xorijiy kreditlar va grantlar;

metsenatlik ko‘magi;

jismoniy va yuridik shaxslarning homiylik xayriyalari;

qonun hujjatlarida ta'qiqlanmagan boshqa manbalar.