Qoʻshimcha funksionallar
-
Tungi ko‘rinish
Hokimlar endi paxta bilan shug‘ullanmaydi - Qishloq xo‘jaligi vaziri
2020 yildan O‘zbekistonda paxtaga davlat buyurtmasi bekor qilinadi va hokimlar paxta bilan shug‘ullanmaydi. Kun.uz muxbiri xabar berishicha, bu haqda Qishloq xo‘jaligi vaziri Jamshid Xo‘jayev «Islohotlarni qo‘llab-quvvatlashda munosib mehnat» nomi ostidagi davra suhbati chog‘ida ma'lum qildi.
O‘zbekiston 2020 yildan paxtaga davlat xaridini bekor qiladi. Vazirning ma'lum qilishicha, davlat rahbari 4 fevral kuni o‘tkazilgan qishloq xo‘jaligida klasterlar faoliyatini yanada rivojlantirish masalalari bo‘yicha yig‘ilishda shunday topshiriq bergan.
Eslatib o‘tamiz, yanvar oyida mamlakat prezidenti Shavkat Mirziyoyev Oliy Majlisga murojaatida O‘zbekistonda paxta va g‘alla uchun davlat buyurtmasini bekor qilish rejalashtirilayotgani haqida gapirgandi.
4 fevral kuni prezident ishtirokidagi yig‘ilishda klasterlar faoliyatini rivojlantirish, paxta va g‘alla yetishtirishda davlat buyurtmasini bosqichma-bosqich bekor qilish masalalari muhokama qilindi. Yig‘ilishda prezident sohada davlat aralashuvini keskin kamaytirish bilan birga hokimlarning reja ortidan quvish va majburiy mehnatga jalb qilish amaliyotiga butunlay chek qo‘yilishi haqida gapirgan.
Mavzuga oid
09:33
Paxta mahsulotini sotishda manipulyatsiyaga yo‘l qo‘ygan korxonaga chora ko‘rildi
17:43 / 21.11.2024
Bosh vazir o‘rinbosarlari va vazirlarning barchasi o‘z lavozimini saqlab qoldi (foto)
18:02 / 10.10.2024
Shahrisabzda aholini paxta terishga majburlagan mahalla raisi salkam 19 mln so‘m jarimaga tortildi
19:45 / 09.10.2024