Senatga yangi vakolat beriladi

2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Ilm-ma'rifat va raqamli iqtisodiyotni rivojlantirish yili”da amalga oshirishga oid davlat dasturi loyihasi e'lon qilindi.

2020 yil 1 iyunga qadar tegishli normativ-huquqiy hujjatlar loyihalari ishlab chiqiladi. Loyihalarda:

senatorlarni qonunchilik tashabbusi huquqi sub'yektlari qatoriga kiritish;

Senatga kelib tushgan qonunning joylardagi muhokamasini tashkil etishning aniq mexanizmini belgilash;

O‘zbekistonning xorijiy davlatlardagi elchilari hisobotini eshitish amaliyotini yo‘lga qo‘yish;

Senat tomonidan vazirlik va idoralar rahbarlarining dolzarb ijtimoiy-iqtisodiy masalalar bo‘yicha hisobotini muntazam muhokama qilish amaliyotini yo‘lga qo‘yish;

parlament va senator so‘rovi yuborilgan mansabdor shaxsning o‘zi tomonidan so‘rovga javob berish tartibini belgilash;

so‘rovlarni hududlar manfaatidan kelib chiqib shakllantirish, uning natijasiga oid axborotni qo‘mita va yalpi majlislarda muhokama qilish tizimini joriy etish;

Senatga mahalliy Kengashlar tomonidan qabul qilingan qonunga zid qarorlarni bekor qilish vakolatini berish;

Senatning har bir qo‘mitasi o‘z faoliyat rejasini hududiy muammolardan kelib chiqib shakllantirishi amaliyotini keng yo‘lga qo‘yish;

Barqaror rivojlanish maqsadlarini bajarish bo‘yicha tasdiqlangan indikatorlarga erishilishi ustidan monitoring olib borish;

Senat tomonidan yoshlar va ta'lim masalalari bo‘yicha tegishli choralarni belgilash nazarda tutiladi.