08:11 / 13.02.2020
3
124343
Хитойда коронавирус қурбонлари ва касалланганлар сони кескин ошиб кетди   
Фото: AP

Хитойнинг Хубэй провинциясида ўтган бир кун ичида коронавирус қурбонлари сони 242 нафарга кўпайиб, умумий сони 1310 нафарга етди.

Шунингдек, касалланганлар сони бир кун ичида 14840 нафарга кўпайган ва энди мамлакатда вирусдан зарарланганлар сони 60 мингдан ортиқни ташкил этмоқда. Вирус ўчоғи ҳисобланган Уханда вирусдан 216 киши вафот этган. 

Сўнгги маълумотлар бир кун аввалгидан жиддий фарқ қилмоқда. 11 февралда Хубэйда вирусдан 94 киши вафот этгани, 2015та янги касалланиш ҳолати қайд этилгани маълум қилинганди.  

Провинциянинг соғлиқни сақлаш қўмитаси бундай фарқни ташхис қўйишнинг янги усули қўлланаётгани билан тушунтирган. Жумладан, касалланиш ҳолатларининг диагностик таснифланишига «клиник ташхис» қўшилган. Хитойлик мутахассисларнинг фикрича, бу беморларга «касалликнинг эрта давридаёқ даво олиш имконини беради» ва шу сабабли кўрилаётган чоралар самарадорлигини оширади.

13 февралдан коронавирусга чалинганликка гумон қилинаётганлар аниқроқ натижа берадиган янги усул билан текширила бошланади.

Аввалроқ олимлар вирусга тестдан ҳар иккинчиси нотўғри натижа бериши мумкинлигини, бу таҳлил олиниши усулига боғлиқлигини маълум қилишганди. 

Айни вақтда вирусга қарши вакцина ишлаб чиқилмади. Жаҳон соғлиқни сақлаш ташкилотида таъкидланишича, бундай воситаларнинг одамларда синалиши 3-4 ойдан кейингина бошланади.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top