«Manchester Siti» yevrokuboklardan ikki mavsumga chetlatildi

Foto: mancity.com

UYeFA «Manchester Siti» klubini moliyaviy feyr-pley qoidalarini buzgan deb topdi va yevrokuboklardan ikki mavsumga chetlatdi. Bu haqda tashkilotning rasmiy sayti xabar bermoqda.

Bundan tashqari, klub 30 mln yevro miqdorida jarimaga ham tortildi.

«Manchester Siti» 2012-2016 yillarda homiylardan olgan daromadlarini oshirib ko‘rsatib, litsenziyalash va moliyaviy feyr-pley qoidalarini jiddiy tarzda buzgan va bu bilan UYeFAni chalg‘itgan.

Qayd qilish joizki, «Manchester Siti» bu qaror ustidan Sport arbitraj sudiga (CAS) shikoyat berishi mumkin.