00:02 / 18.02.2020
0
9370
Хитойлик миллиардер ўзига қарашли компанияни 1 млрд долларга сотмоқчи

Forbes Real-Time рейтингига кўра, Ван Цзяньлин 14,4 млрд доллар билан Хитойнинг энг бадавлат кишилари рўйхатида 13-ўринда турибди. У WTC’ни сотиб олиш учун 650 млн доллар тўлаган.

Ironman триатлон мусобақаси / Фото: Getty Images

Хитойнинг Wanda Sports Group гуруҳи Ironman триатлон мусобақалари ташкилотчисини сотишни ўйламоқда. Бу ҳақда ўз манбаларига таяниб Bloomberg хабар берди. Манбалардан бирининг айтишича, компания унинг учун 1 млрд долларга яқин пул олишни режалаштирмоқда.

Ironman брендининг эксклюзив ҳуқуқи Жаҳон триатлон корпорациясига (WTC) тегишли. WTC 2015 йилдан буён хитойлик миллиардер Ван Цзяньлиннинг Dalian Wanda Group конгломератига қарашли Wanda Sports гуруҳи таркибига киради. 

Forbes Real-Time рейтингига кўра, Ван Цзяньлин 14,4 млрд доллар билан Хитойнинг энг бадавлат кишилари рўйхатида 13-ўринда турибди. У WTC’ни сотиб олиш учун 650 млн доллар тўлаган.

Манбаларнинг сўзларига кўра, Wanda Sports Ironman ташкилотчисини сотишни бир нечта хусусий инвесторлар билан муҳокама қилган.  

Ironman классик триатлони 3,86 км масофага сузиш, 180,25 км масофага велопойга ва 42,1 км масофага югуришни ўз ичига олади.  

Дунё бўйича ҳар йили 170дан ортиқ Ironman тадбирлари ўтказилади. 

Ушбу хабарга фикрингизни билдиринг. Бунинг учун авторизациядан ўтишингиз керак!
Top