09:50 / 21.02.2020
0
11813
Наманганда меҳмондорчилик пичоқбозлик билан якунланди

Наманганда синфдошлар орасида ўтказилган меҳмондорчилик пичоқбозлик билан якунланди

Фото: Тергов департаменти

2020 йил 15 февраль куни соат 21:00да Наманган вилояти Норин тумани “Тўлқин” маҳалласида жойлашган уйларнинг бирида синфдошлар орасида тадбир ўтказилган. 

Ўзбекистон Республикаси ИИВ ҳузуридаги Тергов департаменти хабарига кўра, унинг давомида 17 ёшли О.У. тадбирга қўшни маҳалладан келган 17 ёшли Б.С. билан ўзаро жанжаллашиб, ёнида олиб келган пичоқ билан Б.С.нинг танасига бир маротаба уриб тан жароҳати етказган. Натижада Б.С. тан жароҳатлари билан касалхонага ётқизилган.

Мазкур ҳолат юзасидан Норин тумани ИИБ ҳузуридаги Тергов бўлими томонидан Ўзбекистон Республикаси Жиноят кодексининг 104-моддаси 1-қисми (оғир тан жароҳати етказиш) билан жиноят иши қўзғатилган, О.У. гумон қилинувчи тариқасида жалб қилинган. 

Қайд этилишича, ҳозирда дастлабки тергов ҳаракатлари давом этмоқда.

Ушбу хабарга фикрингизни билдиринг. Бунинг учун авторизациядан ўтишингиз керак!
Top