08:31 / 27.02.2020
0
15231
Бухорода йирик ёнғин содир бўлди

Бухоро шаҳар Баҳоуддин Нақшбанд кўчасидаги бир қатор савдо мажмуаларида ёнғин келиб чиқди

Фото: Видеодан кадр

Фавқулодда вазиятлар вазирлиги Бухоро шаҳрида содир бўлган ёнғин бўйича бирламчи маълумот тақдим этди.

Жорий йилнинг 26 февраль куни соат 22:37да Бухоро вилоят фавқулодда вазиятлар бошқармаси навбатчилик қисмига Бухоро шаҳар Баҳоуддин Нақшбанд кўчасидаги бир қатор савдо мажмуаларида ёнғин содир бўлаётганлиги тўғрисида хабар келиб тушган.

Воқеа юзасидан вилоят Фавқулодда вазиятлар бошқармасининг жами 9 та қутқарув автомобиллари ҳодиса жойига етиб борган. 

Қайд этилишича, ёнғин-қутқарув гуруҳлари томонидан ёнғинни ўчириш ишлари олиб борилган.

Ҳодиса оқибатида куйиш тан жароҳати ва ҳалок бўлиш ҳолатлари аниқланмаган, дейилади маълумотда.

Ушбу хабарга фикрингизни билдиринг. Бунинг учун авторизациядан ўтишингиз керак!
Top