Avvalroq Eron vitse-prezidenti Masume Ebtekar va sog‘liqni saqlash vaziri o‘rinbosari hamda ikki deputat koronavirusga chalingani xabar qilingandi.
Eronda koronavirusga chalinganlar soni bir sutkada 176 kishiga oshdi va 388 nafarga yetdi. Bu haqda mamlakat sog‘liqni saqlash vazirligi ma'lum qildi.
Bir sutka ichida ushbu kasallikdan qurbon bo‘lganlar soni sakkiz kishini tashkil etdi. Eronda koronavirusdan vafot etganlar soni 34 nafarga yetdi.
Avvalroq Eron vitse-prezidenti Masume Ebtekar va sog‘liqni saqlash vaziri o‘rinbosari hamda ikki deputat koronavirusga chalingani xabar qilingandi.
27 fevral holatiga ko‘ra, virus Xitoydan tashqari yana 47 mamlakatga yetib borgan, kasallanishning kamida 82164 holati mavjud, ularning aksariyati Xitoyning materikdagi qismida qayd etilgan.
Jahon sog‘liqni saqlash tashkiloti virus boshqa mamlakatlarda XXRdagiga qaraganda tezroq tarqala boshlaganini ma'lum qilgan.
