«Paxtakor»ning OChLdagi o‘yini koronavirus tufayli qoldirildi

Osiyo Futbol Konfederatsiyasi «Paxtakor» klubining Chempionlar Ligasidagi o‘yinini koronavirus tufayli boshqa sanaga qoldirdi.

Foto: Tribuna.uz

Toshkentliklar 3 mart kuni safarda Saudiya Arabistonining «Al-Hilol» klubiga qarshi o‘ynashi lozim edi. Biroq, bu mamlakatda koronavirus tarqalishining oldini olishga qaratilgan choralar tufayli bahs o‘tkazilmaydigan bo‘ldi. Hozircha bu o‘yinning qachon o‘tkazilishi belgilanmadi.

Bundan tashqari, Saudiya Arabistonida 2 mart kuni o‘tkazilishi lozim bo‘lgan mahalliy «Al-Ahliy» va «Ash-Shurta» (Iroq) bahsi ham qoldirildi.

«Paxtakor» klubi Chempionlar Ligasidagi 4-turni 6 aprel kuni o‘z maydonida o‘tkazishi lozim. Jamoaga aynan «Al-Hilol» raqib bo‘lishi kerak.