08:50 / 04.03.2020
1
22201
Ҳарбий прокурорга икки нафар ўринбосар тайинланди

Ўзбекистон ҳарбий прокурорига икки нафар ўринбосар тайинланди

Ўзбекистон Республикаси ҳарбий прокурорининг икки нафар ўринбосари тайинланди. Бу ҳақда Ҳарбий прокуратура хабар бермоқда.

Қайд этилишича, адлия полковниги Баҳодир Каримбердиевич Худойбердиев Ўзбекистон Республикаси бош прокурорининг 2020 йил 3 март кунидаги 223-сонли буйруғи билан Ўзбекистон Республикаси ҳарбий прокурорининг биринчи ўринбосари лавозимига тайинланди.

Баҳодир Худойбердиев

Шунингдек, адлия майори Сарвар Сатторович Муҳитдинов Ўзбекистон Республикаси бош прокурорининг 2020 йил 3 март кунидаги 225-сонли буйруғи билан Ўзбекистон Республикаси ҳарбий прокурорининг ўринбосари лавозимига тайинланди.

Сарвар Муҳитдинов

Аввалроқ, генерал-майор Шуҳрат Узоқов бош прокурор ўринбосари - Ўзбекистон Республикаси ҳарбий прокурори этиб тайинлангани хабар қилинганди. 

Ушбу хабарга фикрингизни билдиринг. Бунинг учун авторизациядан ўтишингиз керак!
Top