13:32 / 14.03.2020
30615
Туркманистон президенти коронавирусга қарши халқ табобати воситасини айтди
Фото: РИА Новости

Туркманистон президенти Гурбангули Бердимухамедов ҳукумат йиғилишида фуқароларга коронавирусдан ҳимояланиш учун қадимий халқ воситаси – исириқдан фойдаланишни тавсия қилди. Бу ҳақда РИА Новости маҳаллий телевидениега таянган ҳолда хабар берди.

Давлат раҳбари туркманларнинг аждодлари минг йиллар давомида зарарли одатлар ва турли юқумли касалликларга қарши курашнинг миллий усулини яратишгани таъкидлади.

«Доно аждодларимиз муҳим тадбирлар олдидан исириқ тутатишган. Бу анъанага қатъий амал қилишган», — деди у.

Бердимухамедов исириқ тутатиш анъанаси ҳозир ҳам давом этаётганини таъкидлади. Унинг сўзларига кўра, бу ўсимликнинг тутуни инсон танасига турли вируслар киришининг олдини олади.

Ҳозирги вақтда Туркманистонда коронавирус билан хасталанган бирор бемор аниқланмаган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top