15:16 / 09.04.2020
11367
ФИФА рейтинги эълон қилинди: Ўзбекистон энг кўп очко йўқотган жамоа бўлди

Бугун, 9 апрель куни ФИФА миллий жамоаларнинг янги рейтингини эълон қилди. Унга кўра, Ўзбекистон миллий жамоаси ўтган ойдаги ўрни – 85-поғонани сақлаб қолди. 

Коронавирус пандемияси сабабли миллий жамоалар деярли ўйин ўтказмагани учун эгаллаб турган ўринлари ва очколарини сақлаб қолишган. Ажабланарлиси, фақатгина икки мамлакат жамоасининг очколарида фарқ кузатилди – Беларус миллий жамоасининг очкоси 3тага ошган бўлса, Ўзбекистон 3 очко йўқотган жамоага айланди. Шунингдек, рейтингда фақатгина Жанубий Судан миллий жамоаси бир поғона юқорига кўтарилган. 

Ўзбекистон миллий жамоаси Осиё жамоалари ичида 12-ўринни эгаллаган. ЖЧ-2022 саралашидаги гуруҳдошларимиздан эса, Саудия Арабистони 67, Фаластин 103, Яман 144, Сингапур эса 157-поғонадан жой олган.

ФИФА рейтинги. Топ-10лик:
1. Бельгия – 1765 очко
2. Франция – 1733
3. Бразилия – 1712
4. Англия – 1661
5. Уругвай – 1645
6. Хорватия – 1642
7. Португалия – 1639
8. Испания – 1636
9. Аргентина – 1623
10. Колумбия – 1622

Осиё мамлакатлари рейтинги:
28. Япония - 1500
33. Эрон - 1489
40. Жанубий Корея - 1464
42. Австралия - 1457
55. Қатар - 1396
67. Саудия Арабистони - 1351
70. Ироқ - 1344
71. БАА - 1334
76. Хитой - 1323
79. Сурия - 1314
82. Уммон - 1303
85. Ўзбекистон – 1286.

Top