17:26 / 14.04.2020
29429
Қайта молиялаш ставкаси 1 фоизга пасайтирилди

Марказий банкнинг асосий ставкаси 1 фоиз бандга пасайтирилиб, йиллик 15 фоиз даражасида белгиланди, деб хабар бермоқда Kun.uz мухбири.

Марказий банк бошқарувининг 2020 йил 14 апрелдаги навбатдан ташқари йиғилиши қарорига асосан, Марказий банкнинг асосий ставкаси 1 фоиз бандга пасайтирилиб, йиллик 15 фоиз даражасида белгиланди.

Коронавирус пандемияси юзага келгунга қадар, Марказий банк бошқаруви асосий ставкани ўзгаришсиз 16 фоиз даражасида сақлаб қолганди.

Шунга қадар, МБ инфляцион таргетлаш сиёсатини тутиб, 2023 йилда инфляция даражасини 5 фоизга, 2021 йилда эса бу кўрсаткич 10 фоизга тушиши мақсад қилинганди.

Top