Singapurda karantin 1 iyungacha uzaytirildi

Singapur hukumati mamlakatdagi umummilliy karantin muddatini 1 iyungacha uzaytirdi. Bu haqda Singapur bosh vaziri Li Syanlun ma'lum qildi. 

O‘tgan sutkada mamlakatda koronavirus yuqtirish bilan bog‘liq 1111 ta yangi holat aniqlangan. Koronavirusga chalinganlar soni 9125 ga yetdi.

Bosh vazir aksariyat holatlar umumiy yotoqxonalarda yashaydigan migrantlarda qayd etilganini aytdi. Ular ommaviy test o‘tkazish natijasida aniqlangan.

Migrantlar orasida virus ko‘payayotganining sababi shuki, ularning ishida oraliq masofani saqlash qiyin. Bundan tashqari, ular qonunga ko‘ra yotoqxonalarda yashashi kerak. U yerda esa bitta xonada 12 nafargacha odam istiqomat qiladi. 

Avvalroq karantin 4 maygacha davom etishi kutilgandi.