01:44 / 25.04.2020
80141
Қойилмақом бошпана: Билл Гейтс пандемия авжига чиққан пайтда 43 млн долларга қандай уй сотиб олди?

Жаҳоннинг энг бой кишилари рўйхатида иккинчи ўринда жойлашган Билл Гейтс пандемия авжига чиққан паллада «қойилмақом бошпана» — Калифорниядаги пляждан 43 млн долларга уй сотиб олди. Forbes ушбу уйнинг суратларини тақдим этди.

Билл Гейтс ва унинг рафиқаси Калифорниянинг Сан-Диего шаҳри яқинидаги Дель-Мар курорт шаҳарчасида жойлашган уйни март охирида, ЖССТ коронавирус пандемияси ҳақида эълон қилганидан бир ҳафта ўтиб сотиб олди.

Уйни ўтган йили вафот этган техаслик нефть магнати Ти Бун Пиккенснинг беваси сотди. У бу мулк учун 48 млн доллар сўраётганди, аммо Гейтслар 5 млн доллар чегирмага эга бўлишди.

Тинч океани соҳилидаги уй «ўзини ўзи изоляция қилиш учун қойилмақом бошпана» бўлиши мумкин, деб ёзади Daily Mail.  

Ётоқхона

Асосий ётоқхонадан океан кўриниб туради ва мармар камин билан жиҳозланган. Уйда ҳаммаси бўлиб олтита ётоқхона бор.

Фото: Krone & Bushard, Inc.

Океанга қараган жакузи  

Пляж бўйлаб жойлашган 37 метрли айвонга 10 кишилик жакузи ўрнатилган бўлиб, у ердан океанни томоша қилиш мумкин.

Фото: Krone & Bushard, Inc.

Қимматбаҳо ёғочлар ишлатилган

Уйнинг ичига қизил дарахт ва оқартирилган қарағайдан ишлов берилган.

Фото: Krone & Bushard, Inc.

Меҳмонхона

Меҳмонхона кенг бўлиб, шифти баланд.

Фото: Krone & Bushard, Inc.

Айвондаги дам олиш ҳудуди

Дам олиш ҳудудининг поли импорт оҳакдан тайёрланган.

Фото: Krone & Bushard, Inc.

Меҳмонхона

Уйнинг умумий майдони — 540 кв. м.

Фото: Krone & Bushard, Inc.

Ётоқхона

Уй лойиҳаси калифорниялик машҳур архитектор Кен Рончетти томонидан тайёрланган. Унда олтита ётоқхона ва тўртта ювиниш хонаси бор.

Фото: Krone & Bushard, Inc.

Болалар хонаси

Уйда иккита каравот жойлашган болалар хонаси ҳам мавжуд.

Фото: Krone & Bushard, Inc.

Бассейн

Бассейн шиша плитка билан безатилган.

Фото: Krone & Bushard, Inc.

Меҳмонлар ётоқхонаси

Уйда меҳмонлар учун мўлжалланган ётоқхона ҳам бор.

Фото: Krone & Bushard, Inc.

Океан манзараси

Айвонда океанни кузатиб баҳра олиш мумкин.

Фото: Krone & Bushard, Inc.

Океан бассейндан ҳам кўринади

Океанни бассейндан ҳам томоша қилиш мумкин.

Фото: Krone & Bushard, Inc.

Океаннинг жакузидан кўриниши

Айвонда бассейн, жакузи ва очиқ дам олиш ҳудуди жойлашган.

Фото: Krone & Bushard, Inc.

Айвон

Океан томонга қараган барча хоналарнинг деворлари ойнаванд бўлиб, улар суриб очилиши мумкин.

Фото: Krone & Bushard, Inc.

Уйнинг юқоридан кўриниши

Уйда тўртта автомобилга мўлжалланган гараж бор.

Фото: Krone & Bushard, Inc.
Top