Хитойнинг Xiaomi компанияси Пекинда ўтган глобал онлайн-тақдимот доирасида янги маҳсулотлари - Redmi Note линиясидаги янги смартфонлари - Redmi Note 9 ва Redmi Note 9 Pro’ни ҳамда Mi Note 10 Lite’ни тақдим қилди.

Фото: Xiaomi

Маълум қилинишича, Redmi Note 9 Pro иккита вариантда тақдим этилган (6 Гб тезкор ва 64 Гб доимий хотира ҳамда 6 Гб тезкор ва 128 Гб доимий хотира), Snapdragon 720G процессори, 6,67 дюймли дисплей ва 64 Мпли асосий орқа квадрокамера ҳамда 16 Мпли олд камера билан жиҳозланган. 

Be a PRO in every way. #TheLegendContinues #RedmiNote9Pro pic.twitter.com/ZiIQeRAdBW

— Xiaomi (@Xiaomi) April 30, 2020

Redmi Note 9 ҳам икки вариантда тақдим қилинган: 3 Гб+64 Гб ва 4 Гб+128 Гб. Смартфон экрани диагонали 6,53 дюймни ташкил қилади. MediaTek Helio G85 процессори ва 13 Мпли олд камера ҳамда 48 Мпли асосий орқа камера билан жиҳозланган.

Премиал Mi Note 10 Lite’га келсак, у 6,47 дюймли дисплей, Snapdragon 730G процессори, 64 Мпли асосий квадрокамера ва 16 Мпли олд камера билан жиҳозланган. Смартфон тезкор ва доимий хотира сиғими бўйича 3 вариантга эга: 6Гб + 64Гб, 6Гб + 128Гб ва 8Гб + 128Гб.

Шунингдек, тақдимот давомида Xiaomi экотизимининг янги элементи – “ақлли” вентилятор Mi Smart Standing Fan 1C ҳам намойиш қилинган.