11:40 / 30.05.2020
6486

Don saqlash korxonalari uchun yangi normalar belgilandi

Vazirlar Mahkamasining 22.05.2020 yildagi «G‘alla yetishtiruvchi xo‘jaliklar va korxonalardan sotib olinadigan donni saqlash sohasidagi ayrim normativ-huquqiy hujjatlarni tasdiqlash to‘g‘risida»gi 312-son qarori qabul qilindi.

Norma’ning yozishicha, prezidentning 6.03.2020 yildagi «G‘alla yetishtirish, xarid qilish va sotishga bozor tamoyillarini keng joriy etish chora-tadbirlari to‘g‘risida»gi PQ-4634-son qaroriga muvofiq quyidagilar tasdiqlandi:
 
1. G‘alla yetishtiruvchi xo‘jaliklar va korxonalardan sotib olinadigan donni saqlash tartibi to‘g‘risidagi nizom. Hujjatda boshoqli donni qabul qilish va saqlash maydonlari, omborlari hamda boshqa sig‘imlarga bo‘lgan talablarni, boshoqli don partiyasini qabul qilish, shakllantirish va joylashtirish, narxlar barqarorligini ta'minlashda don sifatini nazorat qilish tartibi hamda donni saqlash jarayonida texnika va sanoat xavfsizligi, sanitariya talablari nazarda tutilgan.
 
2. Don saqlash sig‘imlariga xulosa berish tartibi to‘g‘risidagi nizom. Hujjatda boshoqli donni qabul qilish va saqlash maydonlari, omborlari va boshqa sig‘imlariga umumiy talablar belgilangan.
 
Qoraqalpog‘iston Respublikasi Vazirlar Kengashi va viloyatlar hokimliklari har yili 1 aprelga qadar Vazirlar Mahkamasi huzuridagi Agrosanoat majmui ustidan nazorat qilish inspeksiyasining hududiy boshqarmalarining xulosasiga ega bo‘lgan boshoqli don saqlanadigan korxonalar ro‘yxatini Vazirlar Mahkamasiga taqdim etib boradi.
 
Har yili 1 mayga qadar tumanlar kesimida qabul qilinadigan g‘allaning hajmlari va ularni saqlaydigan korxonalar ro‘yxati Vazirlar Mahkamasi tomonidan tasdiqlanadi.
 
Hujjat 23.05.2020 yildan kuchga kirdi.

Mavzuga oid
Top