Yangilangan dizayn platformaning yangi “Aqlli tanlov” falsafasini aks ettiradi — platforma foydalanuvchilarga taqdim etilgan ko‘plab tovar va mahsulotlar orasidan eng yaxshisini tanlashga yordam berish istagida namoyon bo‘ladi.
Platforma funksionalida nimalar o‘zgardi?
1. Hammasi osonlashdi. E'lonlarni joylashtirish va so‘rovlarni olish har qachongidan ham osonroq bo‘ldi. Qulay panel sizga xabarlar, e'lonlar va telefoningizdagi profilingiz orasida tezda harakat qilishga imkon beradi.
2. Yanada tezlashdi. Endi qidiruv natijalarini qidiruv sahifasining o‘zidayoq, darhol saralashingiz mumkin.
3. Yangi, qulay funksiyalarga ega bo‘ldi. Sevimli e'lonlaringizni "Saralangan" bo‘limida saqlash va telefon batareyasini saqlashga yordam beradigan qora ranglardagi interfeysni tanlash imkoni paydo bo‘ldi.
Yangilangan OLX xizmati ilovasini Android, iOS smartfonlariga o‘rnatish mumkin.
OLX O‘zbekiston direktori Doniyorbek Turg‘unov ushbu voqeani sharhlar ekan, bu haqida shunday dedi:
"Biz foydalanuvchilarning xohish-istaklarini diqqat bilan tinglaymiz va OLX xizmatini yanada qulay, sodda va zamonaviyroq qilishga intilamiz. Rebrending nafaqat tashqi ko‘rinishni yangilash, balki xizmatimizga qulay xususiyatlarni qo‘shishni ham o‘z ichiga oldi. Ushbu o‘zgarishlar foydalanuvchilarga kerakli mahsulotlar, xizmatlar yoki tezroq ish topishga yordam beradi, shuningdek e'lonlarni joylashtirishni ham ancha soddalashtiradi".
5 yil davomida OLX O‘zbekiston platformasiga 100 million marta tashrif buyurildi. Foydalanuvchilar 12 millionta e'lon joylashtirdilar va 20 ming mahsulotni xayriya qildilar.
