Yuridik va jismoniy shaxslarni elektr tarmoqlariga ulash tartibida o‘zgarish yuz beradi

2020 yil 20 oktyabrgacha Onlayn platformani barcha hududiy elektr tarmoqlari korxonalari, O‘zenergoinspeksiyaning barcha hududiy bo‘limlari, respublikadagi barcha davlat xizmatlari markazlarida o‘rnatib, YaIDXPga integratsiya qilinishini ta'minlaydi.

Yuridik va jismoniy shaxslarni elektr tarmoqlariga ulash bo‘yicha davlat xizmatlari ko‘rsatishning ma'muriy reglamentiga ko‘ra, elektr energiyasini elektr ta'minoti shartnomasini tuzmasdan yetkazib berish taqiqlanadi.

Iste'molchilarni elektr tarmoqlariga ulash jarayoni quyidagilarni nazarda tutadi:

texnik shartlarni ishlab chiqish va unga asosan “tayyor holda topshirish” (quvvati 50 kVtdan yuqori bo‘lgan iste'molchilar uchun elektr ta'minoti loyihasini ishlab chiqish, qurilish-montaj va ishga tushirish-sozlash ishlarini bajarish uchun) shartnomasi (keyingi o‘rinlarda – tayyor holda topshirish shartnomasi) loyihasini taqdim etish;

elektr energiyasi ta'minoti uchun shartnoma tuzish.

Bunda quvvati 50 kVtgacha bo‘lgan iste'molchilar elektr tarmog‘iga ulanish bo‘yicha bir martalik to‘lovni amalga oshiradi va elektr tarmog‘iga hududiy elektr tarmoqlari korxonasi (HETK) tomonidan ulab beriladi, shuningdek elektr energiyasi ta'minoti uchun shartnoma imzolanadi.

Iste'molchilarni elektr tarmoqlariga ulash jarayonini amalga oshirishda:

a) HETK huzuridagi elektr tarmoqlariga yuridik va jismoniy shaxslar elektr qurilmalarini ulash xizmatlarini ko‘rsatish xizmati:

texnik shartlarni ishlab chiqadi;

quvvati 20 kVtgacha bo‘lgan iste'molchilar uchun elektr tarmoqlarga ulash sxemasini ishlab chiqadi hamda qurilish-montaj va ishga tushirish-sozlash ishlarini bajaradi;

quvvati 20 kVtdan 50 kVtgacha bo‘lgan iste'molchilar uchun elektr tarmoqlarga ulash loyiha hujjatlarini ishlab chiqadi hamda qurilish-montaj va ishga tushirish-sozlash ishlarini bajaradi;

ulanadigan quvvat 50 kVtdan yuqori bo‘lsa “ELEKTR” dasturiy ta'minotiga (Onlayn platforma) texnik shartlarni tayyor holda shartnoma loyihasini tuzish uchun kiritadi;

quvvati 50 kVtdan yuqori bo‘lgan elektr energiyasi iste'molchilari bilan tayyor holda topshirish shartnomasini tuzadi (iste'molchi manfaatdor bo‘lganda);

elektr energiyasi ta'minoti uchun shartnoma tuzadi;

b) Onlayn platforma orqali tayyor holda topshirish shartnomani tuzish uchun eng yaxshi taklifni taqdim etgan va iste'molchi tomonidan tanlangan tashkilot (Pudratchi) loyihalashtirish, qurilish-montaj va ishga tushirish-sozlash ishlarini bajaradi (iste'molchi manfaatdor bo‘lganda) va elektr ta'minoti loyihasini O‘zbekiston Respublikasi Energetika vazirligi huzuridagi Elektr energetikada nazorat inspeksiyasi (O‘zenergoinspeksiya) bilan kelishadi elektr qurilmalarini ishga tushirishga tayyorligini aniqlaydigan Dalolatnoma imzolanishini tashkillashtiradi;

v) O‘zenergoinspeksiya:

quvvati 20 kVtdan yuqori bo‘lgan elektr energiyasi iste'molchilari uchun elektr ta'minoti loyihasini kelishadi;

quvvati 20 kVtdan yuqori bo‘lgan elektr energiyasi iste'molchilari elektr qurilmalarining tayyorligini aniqlaydi va Bayonnomani imzolaydi;

g) O‘zbekiston Respublikasi Bosh prokuraturasi huzuridagi Majburiy ijro byurosi (Byuro) elektr energiyasini hisobga olish tizimini plombalashda ishtirok etadi.

Davlat xizmatlari markazlari, O‘zenergoinspeksiya, Byuro, HETK va Pudratchi tashkilotlar o‘rtasida axborot almashinuvi elektron raqamli imzoni (ERI) majburiy tartibda qo‘llash orqali faqat idoralararo o‘zaro elektron bog‘lanish yordamida amalga oshiriladi.