13:03 / 30.06.2020
4592
Эҳтиёт қисмларни яшириш қимматга тушди

 Божхона тўловларидан қочиш мақсадида товар-моддий бойликларни ноқонуний тарзда олиб киришга доир ҳолатлар божхона ходимлари томонидан ўз вақтида фош этилмоқда.

Хусусан, Қорақалпоғистон Республикаси божхона бошқармаси “Даут-ота” чегара божхона постига қўшни мамлакат орқали кириб келган, фуқаро Х.О. бошқарувидаги “MAN” русумли юк автотранспорт воситаси ўрнатилган тартибда постдаги инспекцион кўрик мажмуаси ёрдамида назоратдан ўтказилди.

Фото: Давлат божхона қўмитаси ахборот хизмати

 Натижада, автотранспортнинг таг рама қисмига хуфиёна яширилган, умумий қиймати салкам 35 миллион сўмлик жами 2283 дона автотранспорт эҳтиёт қисмлари борлиги аниқланди. 

 Яна бир ҳолатда мазкур пост орқали юртимизга кириб келган фуқаро М.Р. бошқарувидаги юк автотранспорти ҳам белгиланган тартибда божхона кўригидан ўтказилди.

 Текширув давомида ушбу автоуловда ҳам декларацияда кўрсатилмаган ва божхоначиларнинг оғзаки сўровида маълум қилинмаган 42,2 миллион сўмлик товар-моддий бойликлари борлиги аниқланди.

 Ҳозирда ушбу ҳолатлар юзасидан божхона органлари томонидан суриштирув ҳаракатлари давом эттирилмоқда.

 

Top