Özbekiston diniy konfessiyalar vakillari karantin davri muammolariga fikrlarini bildirdi

«Inson öz soğligi, yaqinlari va oilasining soğliğini asraşga mas'uldir».

Vahima uyğotuvçi, sarosima soluvçi va narxlarni oşiruvçilarga munosabat

Özbekiston Musulmonlari idorasi raisi örinbosari Homidjon domla Işmatbekov

«Xuşxabar qiluvçi böliş kerak, aslo vahima va sarosima uyğotmaslik lozim. Xalqning boşiga sinovli kunlar kelganda narxni oşirib, foydalanib qolişdan saqlaning! Narx belgilaşda oliyjanob va karamli böling! Nabiy alayhissalom: «Sotganda, sotib olganda va haqqini talab qilganda karamli bölgan odamga Alloh rahm qilsin», deganlar.

Toşkent şahar Rus pravoslav çerkovi ruhoniysi Sergey Statsenko

«Işonç bilan aytiş mumkinki, bunday miş-mişlarni yo vijdonsiz insonlar yoki ruhan xasta kişilar tarqatadi. Biz texnologiyalar davrida yaşayapmiz, bu davrda köproq pul topiş muhim bölib qolgandek. Gap juda katta miqdordagi moddiy mablağ haqida borar ekan, ayrimlar vijdonini yöqotadi.

Menimça, köplab yolğon xabarlar şunday oson pul topiş ilinjida axborot maydonida tarqatiladi. Alaloqibat, bunday ur-töpolonda oddiy insonlar aziyat çekadi. Agar şundoğam asabiy holatda bölgan insonlarni aqlini yöqotişga turtki berilar ekan, buni jinoyat deb hisoblayman. Şuning uçun, iltimos qilardimki, özimiz va yaqinlarimizning soğliğini asraş, muvozanatni saqlaş uçun bunday miş-mişlarni nafaqat qayta tekşirib köriş, balki tarqalişining oldini olişsin».

Özbekiston yahudiy diniy jamoalari rahbari Arkadiy Isaxarov

«Bunday salbiy lahzalarni namoyon qiliş, narxlarni oşiriş, turli nomaqbul yöllar bilan boylik orttiriş heç qanday qoidalarga töğri kelmaydi. Biz barça qonun-qoidalarga rioya qilişimiz kerak, çunki ular bizga hayot qoidalarini taqdim etadi. Tavrotda aytiladiki, “Ziyon qilma!”. Barça narsa inson farovonligiga xizmat qilişi kerak!»

Özbekiston xalqaro islom akademiyasi tadqiqotçisi, bloger Ziyovuddin Rahim

«Oddiy aholiga imkon qadar yengillik qilişni har bir inson öylaşi kerak. Qaçonki, tijoratçi halol va insof bilan işlasa, rostgöy bölsa, ana öşandagina uning kasbiga baraka beriladi. Bu örinda har bir tadbirkor, har bir inson mas'uldir».

Umidsizlikka tuşmaslik, yoruğ kunlarga işonç bilan yaşaş haqida

Özbekiston Musulmonlari idorasi raisi örinbosari Homidjon domla Işmatbekov

«Doimo yaxşi kunlarga intilib yaşang, zinhor umidsizlikka tuşmang! Har bir iş Alloh taloning izni va irodasidadir. Haq taolo heç qaçon öz bandalarini ketma-ket oğir ahvollarga taşlab qöymaydi, sinovlarga sabr va şukr qiling! Qur'oni karimda: “Albatta Alloh tezda tanglikdan keyin yengillikni paydo qilur” (Taloq, 7), deb xuşxabar qilingan».

Toşkent şahar Rus pravoslav çerkovi ruhoniysi Sergey Statsenko

«Keling, bu vaziyatga nafaqat yordam beriş imkoniyati, balki ma'naviy yordam imkoniyati sifatida qaraylik. Çunki, uşbu ilojsizlik bizni Yaratgan kimdir borligini va sayyoramiz taqdiri Uning qölida ekanini yodga soladi. Sizlarga tuşkunlikka tuşmaslikni, sabrli bölişni tilagan bölar edim. Biz, albatta, avvalgidan ham yaxşiroq bölgan davrga qaytamiz. Işonçim komilki, Yaratgan barça narsani eng yaxşi usulda taqdir qiladi».

Özbekiston yahudiy diniy jamoalari rahbari Arkadiy Isaxarov

«Biz işonamizki, Yaratgan barça muammolarni ortda qoldirişimizga yordam beradi. Oldinda yorqin kelajak kutmoqda, qodir Xudo har doim biz bilan bölgan va böladi».

Özbekiston xalqaro islom akademiyasi tadqiqotçisi, bloger Ziyovuddin Rahim

«Har bir inson bu paytda ruhini çöktirmasdan, tuşkunlikka tuşmasdan, dadil bölib, özining ruhiyatini kötarib, hayotini davom ettirişi lozim böladi. Mömin inson, aslida, tuşkunlikka tuşmaydi, çunki Qur'oni Karim oyatlarida, Payğambarimiz sollallohu alayhi va sallam hadisi şariflarida, heç qaçon tuşkunlikka tuşmasdan, sabr bilan taqdirga iymon keltirib, doim olğa qadam taşlaşga çaqirilgan».