17:21 / 13.08.2020
5604
Ростовдан 918 нафар фуқаро Ўзбекистонга қайтарилди

10 август куни Гниловская – Тошкент йўналишида ҳаракатланишни бошлаган поезд бугун 918 нафар фуқарони Ўзбекистонга олиб келди.   

Фото: Ўзбекистон темир йўллари

Республика махсус комиссияси томонидан Россиянинг Шимолий Кавказ ва Жанубий федерал округларидаги ҳамюртларимизни олиб келиш учун “Тошкент – Ростов-Дон – Тошкент” йўналиши бўйича темир йўл рейсни ташкиллаштириш тўғрисида қарор қабул қилинган эди.  

Ўзбекистон Республикаси Транспорт вазирлиги ахборот хизмати хабарига кўра, жорий йилнинг 10 август куни Гниловская – Тошкент йўналишида ҳаракатланишни бошлаган поезд бугун 918 нафар фуқарони Ўзбекистонга олиб келди.   

Олиб келинган фуқаролар Республика махсус комиссияси томонидан белгиланган талабларга қатъий риоя қилган ҳолда карантинда бўлишларини таъминлаш мақсадида автобусларда Тошкент вилоятининг махсус карантин зоналарига етказилди, дейилади маълумотда.

Аввалроқ, Ўзбекистон фуқаролари Ростов вилоятидан поезд орқали қайтарилаётгани хабар берилганди.

Мавзу
Коронавирус Ўзбекистонда
15 март куни Ўзбекистонда коронавирусга чалинган илк бемор аниқланди.
Барчаси
Top