Qoʻshimcha funksionallar
-
Tungi ko‘rinish
Toshkentdagi bir qator universitet va institutlarda inkubatsion markazlar ochiladi
IT Park qo‘llab-quvvatlovi bilan Toshkentdagi bir qator universitet va institutlarda o‘z innovatsion loyihasini yaratish va ularni rivojlantirish maqsadida bo‘lgan talabalar uchun inkubatsion markazlari ochilishi rejalashtirilgan.
Oliy o‘quv yurtlari qoshida inkubatsion markazlarini ochishdan asosiy maqsad — bu iqtidorli yoshlar orasida yaratilayotgan innovatsion markazlar soni va sifatini oshirish. O‘z navbatida, inkubatsion markaz asl ilmiy-texnik g‘oyalarni amalga tatbiq etish, kichik innovatsion loyihalar bo‘yicha faoliyatini samarali yuritishi uchun talabalarga zarur shart-sharoitlar yaratadi.
Yaqinda 9 ta OTM vakili IT Park tomonidan oliy o‘quv yurtlari qoshida ochilgan inkubatsion markazlari koordinatorlarini o‘qitishning dastlabki oqimida ishtirok etishdi:
- Muhammad al-Xorazmiy nomidagi Toshkent axborot texnologiyalari universiteti
- Toshkent shahridagi Amiti universiteti
- Toshkent shahridagi Turin Politexnika universiteti
- Toshkentdagi xalqaro Vestminster universiteti
- Toshkentdagi Singapur menejmentni rivojlantirish instituti
- Toshkent shahridagi G.V.Plexanov nomidagi RIU filiali
- Toshkent davlat iqtisodiyot universiteti
- Toshkent moliya instituti
- O‘zbekiston davlat jahon tillari universiteti.
O‘quv jarayonida koordinatorlar inkubatsiya va akseleratsiya dasturlari, turli startap tadbirlarini to‘g‘ri tashkil etish va yuritish, markaz binosi va manbalarini to‘g‘ri muvofiqlashtirish, startaplar bazasi bilan ishlash, startap loyihalari bo‘yicha ko‘rsatmalar berish, IT instrumentlaridan foydalanish va boshqalar bo‘yicha tahsil olishdi.
Inkubatsion markazlarning uzoq muddatli maqsadlari va vazifalari quyidagilardan iborat:
- mamlakat iqtisodiyotini rivojlantirish;
- O‘zbekistonda yuqori innovatsion texnologiyalarni rivojlantirish;
- innovatsion yo‘nalishdagi kichik biznesni rivojlantirish, talabalarga loyihalar bo‘yicha faoliyat yuritishi uchun qulay shart-sharoitlarni ta'minlash;
- talabalar va tajribali mutaxassislar o‘rtasidagi o‘zaro munosabatni yo‘lga qo‘yish;
- yangi ish o‘rinlari yaratish.
Inkubatsion markaz talabalarga innovatsion dasturlashni g‘oyadan to ishlab chiqarish va ilk muvaffaqiyatli sotishgacha bo‘lgan jarayonni tijoriylashtirishga mo‘ljallangan.
Tez kunlarda oliy o‘quv yurtlari jamiyat uchun foydali va qiziqarli bo‘lgan innovatsion loyihalar ko‘rinishida o‘z natijasini beradigan dastlabki talabalar inkubatsion markazlari ishga tushadi. ilk dasturlar onlayn tartibda o‘tkazilishi ko‘zda tutilgan.
