Yaponiyada "virus blokiratori" samarasiz deb topildi

Iste'molchilar ishlari bo‘yicha boshqarmaning qayd etishicha, blokiratorning samarasi haqidagi ta'kidlar hech qanday asosga ega emas.

Foto: RIA Novosti

Yaponiya iste'molchilar ishlari bo‘yicha boshqarmasi koronavirus yuqishining oldini olish maqsadida bo‘yinga taqib yuriladigan "virus blokiratori"ni samarasiz deb topdi. Bu haqda NHK telekanali xabar berdi.

Boshqarmaning qayd etishicha, blokiratorning samarasi haqidagi ta'kidlar hech qanday asosga ega emas.

Bu yerda gap birinchi navbatda TOA Industry Co.,Ltd kompaniyasi mahsuloti to‘g‘risida bormoqda. Kompaniya fevral oyida o‘z saytida koronavirus yuqishining oldini oluvchi blokiratori haqida ma'lumot joylagandi.

Boshqarma blokiratorning samarali ekanligi to‘g‘risidagi ma'lumot iste'molchilarni chalg‘itadi degan xulosaga keldi va ushbu ma'lumotni saytdan olib tashlashni so‘radi.

Kompaniya "rasmiy jarayonlar orqali adolatga erishishi" haqida bayonot bergan.