Qoʻshimcha funksionallar
-
Tungi ko‘rinish
Lukashenko Putin bilan qo‘ng‘iroqlashdi. U Moskvaga keladi
Rossiya prezidenti Vladimir Putin va Belarus rahbari Aleksandr Lukashenko telefon orqali muloqot qildi hamda tomonlar Moskvada uchrashishga kelishib olishdi. Bu haqda Kreml matbuot xizmati xabar bermoqda.
«Yaqin haftalarda Moskvada uchrashuv o‘tkazishga kelishib olindi», — deyilgan xabarda.
Putin Lukashenkoni tug‘ilgan kuni bilan tabriklagan. Qayd etilishicha, muloqot chog‘ida «Rossiya-Belarus hamkorligini yanada mustahkamlash va barcha sohalarda o‘zaro manfaatli hamkorlikni kengaytirish» masalasida kelishib olingan.
Rossiya rahbari matbuot kotibi Dmitriy Peskov «RIA Novosti»ga xabar qilishicha, prezidentlarning Moskvadagi uchrashuvining aniq sanasi hali belgilanmagan. Lukashenkoning matbuot kotibi Belarus prezidenti «yaqin vaqtlar ichida Moskvaga safar qilishi» haqida xabar qilgan.
Avvalroq Kremldagilar Putin Minskka safar qilishni rejalashtirmayotganini ma'lum qilgandi.
- RBK nashrining qayd etishicha, bu Putin va Lukashenkoning Belarusda prezidentlik saylovlaridan keyin boshlangan namoyishlar davridagi beshinchi telefon muloqoti bo‘ldi. Putin 9 avgust kuni Lukashenkoni prezidentlik saylovida g‘olib chiqqani (Belarus MSK ma'lumotiga ko‘ra, Lukashenko 80 foizdan ko‘proq ovoz olgan) bilan tabriklagandi. Keyinroq ikki siyosatchi ommaviy namoyishlar masalasini muhokama qilishgan, tashqi tahdid yuzaga kelgan taqdirda birgalikda harakatlanish bo‘yicha bir to‘xtamga kelishgandi. Shuningdek, Putin va Lukashenko belaruslar Rossiyaning koronavirusga qarshi vaksinasi sinovida ishtirok etishi bo‘yicha kelishib olishgandi.
Belarus-2020
Mavzuga oid
09:15
Putin va Netanyahuga order bergan prokuror vaqtincha ishdan olindi
20:34 / 08.06.2026
Xominaiy o‘ldirilgach, Rossiyada Putinni qo‘riqlash uchun yaratilgan kuzatuv tizimi o‘chirib qo‘yildi
20:04 / 08.06.2026
Kiyevga Zelenskiy bilan uchrashuvga borgan rossiyalik tadbirkor Roman Abramovich bo‘lib chiqdi
10:25 / 08.06.2026