12:35 / 09.09.2020
8436
Москва муфтийси коронавирусга чалинди

Муфтийнинг сўзларига кўра, у мусулмонлар масжидларда коронавирусдан ҳимоя қилиш чораларига эътиборсиз қарашаётганини кўрган. У мусулмонларни инфекция хавфини ёддан чиқармасликка чақирди.

Фото: Андрей Любимов / АГН «Москва»

Москва муфтийси, Россия Мусулмонлар идораси раисининг ўринбосари Элдор Алоутдинов коронавирусга чалинди. Бу ҳақда у Instagram’даги видеомурожаатида хабар берди.

«Афсуски, бир мунча вақтдан бери мен ҳам касал бўлиб ётибман, COVID менинг оиламга ҳам кириб келди. Бир неча кун жуда оғир ўтди ва ташхис ҳам дарҳол қўйилмади - баъзи аломатлар мавжуд эди, аммо барибир охиригача бу COVID эмас, балки оддий ЎРВИ ёки грипп деб ўйлашди. Аммо COVID тасдиқланди», - дея маълум қилди муфтий.

Унинг қўшимча қилишича, кўп одамлар, шу жумладан мусулмонлар ҳам коронавирусдан ҳимоя қилиш чораларига риоя қилмаяпти. Муфтийнинг айтишича, буни масжидда бўлганида ва бинонинг орқа қаторларига борганида пайқаган. «Баъзилар масофа сақлашни ҳам унутиб қўйди - елкама-елка туришибди. Уларнинг барчаси тақводор, тўғри: одамлар қучоқ очиб кўришяпти, қўл бериб сўрашяпти», - дея қайд этди Алоутдинов.

Унинг сўзларига кўра, мусулмонлар ўзларини доимо соғлом деб ўйлаб юришлари керак эмас, сабаби коронавирус «жуда осон ва жуда тез» юқади. Шунингдек, у COVID-19 нафақат юқтирган одам, балки унинг яқинлари, оиласи ва фарзандлари учун ҳам жуда оғриқли эканлигини таъкидлади.

Top