08:16 / 19.09.2020
2630
«Ер ости бойликлар тўғрисида»ги қонун лойиҳаси эълон қилинди

Қонуннинг мақсади Ўзбекистоннинг иқтисодий ўсиши ва жамият бой бўлиши, шунингдек, ер ости бойликларидан фойдаланиш билан боғлиқ муносабатларни тартибга солиш учун республика минерал хом ашё базасини барқарор ривожланишини таъминлаш ҳисобланади.

Норматив-ҳуқуқий ҳужжатлар лойиҳалари муҳокамаси порталида “Ер ости бойликлар тўғрисида”ги қонун лойиҳаси эълон қилинди.

Қонуннинг асосий вазифалари қуйидагилар ҳисобланади:

ер ости бойликлари давлат мулки эканлиги ҳуқуқини ҳимоя қилиш;

Ўзбекистон Республикаси минерал-хом ашё базасини ривожлантириш;

ер ости бойликларидан фойдаланиш соҳасидаги муносабатларни тартибга солиш;

ер ости бойликларидан оқилона ва эҳтиёткор фойдаланишни таъминлаш;

ер ости бойликларидан фойдаланишда олиб борилаётган ишлар хавфсизлигини, атроф муҳит ва ер ости бойликларини муҳофаза қилишни таъминлаш;

ер ости бойликларидан фойдаланувчилар ҳуқуқи ва давлат манфаатларига риоя қилиш;

ер ости бойликларидан фойдаланиш барқарор ривожланиши учун ҳуқуқий асосларни таъминлаш;

ер ости бойликларидан фойдаланиш соҳасида инвестицияларни жалб қилиш учун шароитлар яратиш;

ер ости бойликларидан фойдаланиш соҳасида қонунийликни мустаҳкамлаш.

Ер ости бойликларидан фойдаланиш соҳасида муносабатларни тартибга солиш қуйидаги принципларга асосланади:

ер ости бойликлари давлат фондини оқилона бошқариш принципи;

ер ости бойликларидан фойдаланишда экологик хавфсизликни таъминлаш принципи;

ер ости бойликларидан фойдаланиш соҳасида маълумотлардан фойдаланиш очиқлиги принципи;

ер ости бойликларидан фойдаланишнинг пуллилик принципи;

ер ости бойликларидан фойдаланувчиларининг виждонлилик принципи;

ер ости бойликларидан фойдаланиш шартлари барқарорлиги принципи.
 
Ер ости бойликлари давлат фондини оқилона бошқариш давлатни иқтисодий ўсиши ва жамиятни бойитиш мақсадида ер ости бойликларидан фойдаланиш ҳуқуқини тақдим этиш билан таъминланади. 
 
Ер ости бойликларидан фойдаланишда конларни ифлосланишини олдини олиш, атроф-муҳит ва табиий ресурсларга зарарли таъсирни пасайтиришга йўналтирилган чора-тадбирларни кўриш билан экологик хавфсиз усуллар ёрдамида амалга оширилиши керак.

Ер ости бойликларидан фойдаланиш соҳасида маълумотлардан фойдаланиш очиқ ҳисобланади. Давлат қуйидаги маълумотларга очиқликни таъминлаши лозим:

Ўзбекистон Республикасининг давлат сирлари ҳақидаги қонунчилиги билан мувофиқликда тартибга солинадиган маълумотлардан ташқари геологик маълумотларга;

ер ости бойликларидан фойдаланиш ҳуқуқини тақдим этиш бўйича танловлар ҳақидаги маълумотларга;

ер ости бойликларидан фойдаланиш ҳуқуқини тақдим этиш ва бекор қилиш ҳақида давлат органларининг қарорларга;

ер ости бойликларидан фойдаланиш ҳуқуқи ҳақидаги ахборотларга (уларнинг турлари ҳисоби билан).

Қизиққан шахслар ер ости бойликлари соҳасидаги ахборотлардан бепул фойдаланиш ҳуқуқига эгалар.

Top