Ispaniya va Germaniya yarimfinal yo‘llanmasi uchun kurashadi, Modrich Ronalduga qarshi. Millatlar ligasi so‘nggi tur anonsi

«A» liga 1-guruhidagi Bosniya – Italiya va Polsha – Niderlandiya uchrashuvlaridan keyin guruhdan final bosqichiga yo‘llanma oladigan jamoa nomi aniqlanadi. Bu borada 9 ochkoga ega Italiya va 8 ochko yiqqan Niderlandiyada yaxshi imkoniyat saqlangan. 

«A» liga 2-guruhida esa Belgiya guruhdan chiqish uchun yaxshi imkoniyat hosil qilgan. Martinez shogirdlari hisobida 12 ochko bo‘lsa, Daniya 10 ochko yiqqan. Angliya 7 ochko bilan peshqadamlik uchun imkoniyatni boy berdi. Bu turdagi Belgiya – Daniya bahsi guruh g‘olibini aniqlab beradi.

«A» liga 3-guruhida esa Fransiya muddatdan avval vazifani uddaladi. Dide Desham shogirdlari Portugaliyani mag‘lub etib, ochkolari sonini 13taga yetkazgan. So‘nggi turda Fransiya – Shvetsiyaga qarshi maydonga tushsa, Portugaliya safarda Xorvatiya mehmoni bo‘ladi. Bu bahslarda so‘nggi o‘rin egalari o‘z guruhlaridan quyi guruhga tushib ketmaslik uchun to‘p surishadi.

Turning markaziy qarama-qarshiligi «A» liganing 4-guruhida kuzatiladi. Guruhdan chiqish yo‘llanmasi uchun Ispaniya va Germaniya o‘zaro maydonga tushishadi. Ushbu juftlik g‘olibi turnir yarimfinalining so‘nggi ishtirokchisiga aylanadi. Nemislar 5 o‘yindan keyin 9 ochkoga ega bo‘lsa, ispanlarda 8 ochko mavjud. Ukraina va Shveytsariya 3-4-o‘rinlarni band etgan.

Ma'lumot uchun, A liganing to‘rtta guruhi g‘oliblari Millatlar ligasining final qismiga (yarimfinal, 3-o‘rin uchun o‘yin va final) yo‘llanma olishadi. B, C va D liga g‘oliblari yuqoriroq ligalarga ko‘tarilishsa, A va B ligalarida so‘nggi o‘rinni band etgan milliy jamoalar pastki ligaga ravona bo‘ladi.

17 noyabr (seshanba)
A3. 00:45. XORVATIYa – PORTUGALIYa (UzReportTV)
A3. 00:45. FRANsIYa – ShVeTsIYa
A4. 00:45. ISPANIYa – GeRMANIYa (FutbolTV)
A4. 00:45. ShVeYTsARIYa – UKRAINA
C1. 00:45. LYuKSeMBURG – OZARBAYJON
C1. 00:45. CheRNOGORIYa – KIPR
D1. 00:45. ANDORRA – LATVIYa
D1. 00:45. MALTA – FAReR
D2. 00:45. GIBRALTAR – LIXTeNShTeYN

18 noyabr (chorshanba)
C4. 20:00. ALBANIYa – BeLARUS
C4. 20:00. QOZOG‘ISTON – LITVA
C2. 22:00. ARMANISTON – Sh.MAKeDONIYa
C2. 22:00. GRUZIYa – ESTONIYa
A1. 22:45. BOSNIYa – ITALIYa
A1. 00:45. POLShA – NIDeRLANDIYa
A2. 00:45. BeLGIYa – DANIYa
A2. 00:45. ANGLIYa – ISLANDIYa
B1. 00:45. AVSTRIYa – NORVeGIYa
B1. 00:45. Sh.IRLANDIYa – RUMINIYa
B2. 00:45. CheXIYa – SLOVAKIYa
B2. 00:45. ISROIL – ShOTLANDIYa
B3. 00:45. SeRBIYa – ROSSIYa
B3. 00:45. VeNGRIYa – TURKIYa
B4. 00:45. IRLANDIYa – BOLGARIYa
B4. 00:45. UELS – FINLANDIYa
C3. 00:45. GRUZIYa – SLOVeNIYa
C3. 00:45. KOSOVO – MOLDOVA.