Dunyodagi eng ishonchli avtomobillar ma'lum qilindi

AQShning Consumer Repors nashri tahlilchilari dunyodagi eng ishonchli avtomobillar ishlab chiqaruvchi brendlar reytingini tuzishdi. Reyting yetakchisi Mazda yapon kompaniyasi bo‘ldi.

Foto: Depositphotos

Mazda maksimal 100 balldan 83 ball oldi. Ekspertlarning talqiniga ko‘ra, kompaniyaning eng ishonchli modellari MX-5 Miata, CX-30, CX-3 hisoblanadi.

Reytingda 2-o‘rinni yana bir yapon kompaniyasi - Toyota 74 ball bilan egalladi. Mutaxassislar kompaniya ishlab chiqaruvchi Prius, Corolla va Prius Prime modellarini eng ishonchli deb topishgan. Yetakchi uchlikka Lexus kompaniyasi kirgan. Kompaniyaning UX, NX va GX modellari eng ishonchli mashinalar deb e'tirof etilgan.

Yuqori o‘ntalikka Buick, Honda, Hyundai, Ram, Subaru, Porsche va Dodge brendlari ham kirgan.

Reyting 330 ming haydovchi oxirgi yil ichida mashinalari bilan yuz bergan muammolar haqida bergan ma'lumotlar, mashinalarning poligondagi sinovlari davomida olingan ma'lumotlar, haydovchilarning o‘z mashinalaridan qoniqqanligini bilish bo‘yicha o‘tkazilgan so‘rovnomalar natijalari va mashinaning xavfsizligi haqidagi ma'lumotlarga asoslangan.