Belarus prezidenti Aleksandr Lukashenkoga Xalqaro olimpiya qo‘mitasining (XOQ) barcha tadbirlarida qatnashish taqiqlandi. Bu haqda tashkilot prezidenti Tomas Bax ma'lum qildi.
Taqiq shuningdek, Olimpiada o‘yinlariga ham taalluqli. Qayd etilishicha, ushbu chora hozircha vaqtinchalik tusga ega.
Baxning so‘zlariga ko‘ra, Lukashenko rahbarlik qilayotgan Belarus milliy olimpiya qo‘mitasining hozirgi rahbariyati sportchilarni siyosiy diskriminatsiyadan himoya qilmayapti.
Navbatdagi Olimpiada o‘yinlari 2021 yil yozda Tokioda bo‘lib o‘tadi. O‘yinlar koronavirus pandemiyasi sababli bir yilga kechiktirilgan.
