2021 yilda ichki turizmni rivojlantirish maqsadida avia va temir yo‘l chiptalariga 30 foiz chegirma beriladi

Unda ishtirok etgan Turizmni rivojlantirish davlat qo‘mitasi raisi Aziz Abduhakimov 2020 yilda 1 mln 800 ming nafar mahalliy turistlar safari tashkil etilganini, 2021 yilda buni keskin oshirish, 7,5 mln nafarga yetkazish rejalashtirilganini aytib o‘tdi.

“Prezident topshirig‘iga binoan, mahalliy aholining sayohat qilishi uchun qulay va arzon transport bilan ta'minlashda avia va temir yo‘l chiptalariga 30 foiz chegirma beriladi”, - deya ma'lum qildi u.

Bundan tashqari, joriy yilda transport logistikasidagi muammolarni bartaraf etish maqsadida yangi avia va temir yo‘l qatnovlari yo‘lga qo‘yiladi. Andijon va Xivani to‘g‘ridan to‘g‘ri bog‘lovchi temir yo‘l reysi, Farg‘ona va Urganch aviareysi, Qarshidan Urganchga temir yo‘l hamda aviareyslar yo‘lga qo‘yilishi rejalashtirilgan. 

Ichki turizmni rivojlantirish maqsadida “O‘zbekiston bo‘ylab sayohat qil” dasturini jadallashtirish maqsadida yana ko‘plab chegirmalar joriy etilishi ma'lum qilindi.