Twitter Trampning shtabiga tegishli akkauntni blokladi

Twitter ijtimoiy tarmog‘i AQSh prezidenti Donald Tramp hamda uning saylovoldi shtabiga tegishli akkauntlarni blokladi.

Avvalroq shtab sahifasida Trampning tarmoq uning sahifasini bloklagani uchun ijtimoiy tarmoqni tanqid qilgan bayonoti joylashtirilgandi. U AQSh prezidentining rasmiy sahifasida ham shunday bayonotni joylashtirgan, ammo bayonot moderatorlar tomonidan o‘chirilgandi.

Tramp o‘z bayonotida ijtimoiy tarmoq rahbariyatini so‘z erkinligini cheklash hamda faoliyatini "demokratlar va radikal so‘llar" bilan muvofiqlashgan holda olib borayotganlikda tanqid qilgandi.

Bir necha kun avval Donald Trampning Facebook va Instagram’dagi sahifalari noma'lum muddatga, kamida prezidentlik muddati yakunlangungacha bloklab qo‘yilgandi.

 Facebook asoschisi Mark Tsukerbergning ta'kidlashicha, “oxirgi 24 soat ichida AQShda yuz bergan karaxtga soluvchi voqealar” Tramp prezidentlik muddatining qolgan qismini saylangan prezident Jo Baydenga hokimiyatning tinch va qonuniy yo‘l bilan topshirilishiga putur yetkazish uchun qo‘llashi mumkinligini ko‘rsatdi.